Hetkarê Hemserekanê Îdareyê Xoserî Hesen Koçerî derheqê Şorişê Rojawanî yê 19ê Temmuze de qisey kerd.

Koçerî ard ziwan ke şoriş tam wextê ci de qewimîya û vat: ''Şorişî 19ê temmuze de Kobanê de dest pêkerd û Cizîre de dewam kerd. Şorişê Rojawanî mîrasê bi serran ser o ronîya. Çunke sîstemê Sûrîye û Rojhelatê Mîyanênî hînî şarî rê fayde nêkerdêne, şar çin hesibnayêne, ziwan û kulturê înan înkar kerdêne. Nê pêro bîyî sebebê şorişî.

Karakterê Rojawanî û Dêra yewbînan ra cîya yê. Modelê îdareyê xoserî ame awankerdene û no hedef ame caardene. Awankerdişê dezgehan, komunan û meclîsan serê şorişî de bi modelo newe. Rojawan pêro Rojhelatê Mîyanênî rê bi model. Helbet kêmasîyê ci estê ka bi esasî şoriş hêzê şarî û komelê demokratîkî ser o awan beno. Modelê ma yê şorişî komelo ekolojîk, azadîya cînsî, komelo demokratîk o. Nê hetî ra Şorişê Rojawanî cîya bi.

Ez eşkena vaja ke Şorişê Rojawanî rojêke de bi. Dima ke dezgehê dewlete Kobanî ra ameyî vetene ma dezgehî nêrijnayî, geş kerdî û kerdî ê komelî. Sere de ekonomî ser o eylêk dezgehî ameyî awankerdene û geşkerdene, dîyayî xizmetê şarî. Şorişê 19ê Temmuze paştîya xo dano hêzê şarî û stratejîya sîyasî, rêxistinîye û komelkîye ronîya. Nê hetî ra seba şaran şoriş bi hêvî.

Dibistanê verênî Efrîn de, Kobanê de komunî ameyî awankerdene. Şaredarîya ma ya verêne Qamişlo de ameye awankerdene. Nînan reyde sîstemo demokratîk û komelkî ame awankerdene. Pêroyî zî mîrasê şorişî bîyî û seba geşkerdişê Şorişê 19ê Temmuze bîyî zemîn.''