Endamê Heyetê Rayberdişî yê Hemserekîya PYDyî Aldar Xelîlî ANFyî rê qisey kerd.

Xelîlî da zanayene ke nê rojanê tarîxîyan de projeyê Îdareyê Xoserî xo îsbat kerd. Îdareyo Xoser seba demokrasî û haştîye şarî xebitîyeno. La dewleta tirke û cergê ci seba ke herême de alozîye vejê xebitîyenê û herişan kenê. Şarê ma wa vera hêrişan tim xo ver bidê û destkewteyanê xo bipawê.

Nê rojanê tarîxîyan de ganî ma tewirêkê tarîxî bimojnê. Ma xoverdayîşî pîlêr bikerê. Seba ameyoxê Sûrîye zî şarê Rojawanî Îdareyê Xoserî reyde eşkenê serkêşîye bikerê. Nêbo û eke dewleta tirke ancî hêrişanê xo rê dewam bikera Sûrîye do ancî mîyanê adirî de bimana. Ganî ma verê ney bigêrê.''