Endamê Heyetê Rayberdişî yê Hemserekîya PYDyî Aldar Xelîlî pare kerd ke emser Newroze bi şîarê ‘Azadîya Rayber Apoyî temînatê Sûrîyeya demokratîke yo’ do bêra fîrazkerdene.

Xelîlî venga pêro şaranê Rojawanî da ke seba ke na serre bikerê serra azadîya Rayber Apoyî tewrê şayîyanê Newroze bibê.

Xelîlî da zanayene ke Newroze tena ê kurdan ne roşanê pêro şaranê Rojhelatê Mîyanênî yo û vat: ‘’Ma bi şîarê ‘Azadîya Rayber Apoyî temînatê Sûrîyeya demokratîke yo’ ver bi Newroze şinê. Ganî şarê Sûrîye û Rojawanî bi coşî tewrê şayîyanê Newroze bibê. Na Newroze do biba Newroza azadî, têdûştî, xoverdayîş, demokrasî û yewîya şaran. Şayîyî do pêro şaranê herême rê bibê îlhamî.

Na Newroze wa biba wesîleya azadîya Rayber Apoyî, înşaya Sûrîyeya demokratîke û yewîya kurdan.’’