Operasyonê Amerîka de tewr tay 9 kesî merdî
Hêzanê Taybetan ê Amerîka nêzdîyê kampa multecîyan a Atmî ya Îdlîbî de ke vakur û rojhelatê Sûrîye de yo, operasyonêk kerd. Dîya zanayene ke şer de 9 kesî kişîyayî.
Mudirê Dezgehê Çimdarîya Heqanê Merdiman ê Sûrîye Ramî Abdul Rahmanî AFPyî rê qisey kerd û vat: ''Nê operasyonî de 2ê ci domanî û cinîyêke tewr tay 9 kesî ameyî kiştene.''
Goreyê dezgehî leşkerî helîkopterî ra nêzdîya kampa Atmî ya Îdlîbî de, sînorê serê Tirkîya de ameyî war. Rahmanî da zanayene ke kişîyayîşê sercergê DAÎŞî Ebû Bekîr El Bagdadîyî ra nata no operasyono tewr girîng ê Koalîsyonê Mîyanneteweyî yo.
Îdlîb binê îşxalê dewleta tirke de yo. Derheqê operasyonî de agahîyêka bîne nêdîyaye.
Goreyê pisporan kampê Atmî sey baregehanê awanbîyayîşî yê DAÎŞ û El Qaîdeyî yê.
