Çalakîya Qamişloyî ke bi sloganê ''Wextê  ci yo'' hetê Têgêrayîşê Ciwananê Şorişgêran ê Sûrîye û Yewîya Cinîyan ê Ciwanan ra ameye destpêkerdene dewam kena.

Çalakîya xeyme ke vera tecrîdê serê Rayberê Şarê Kurdî Abdullah Ocalanî û semedê paştdayîşê tepişteyanê ke grevê vêşanîye de yê, verê Komîserîya Neteweyê Yewbîyayeyî (NY) yê Qamişloyî de yena kerdene, kewte roja çarine. Xeyma Çalakîye ewro hetê şarê Amûdê  ra  bi slogana ''Bê Serekî cuye nêbena'' ameye zîyaretkerdene. Bado ke verê xeyme de rêz ame girewene, Endama Kongraya Starî Şehnaze Îbrahîm qisey kerd. Îbrahîme bêvengîya hêzanê mîyanneteweyî yê vera tecrîdî şermezar kerd û  ard ziwan ke ê do tim rêça Rayber Abdullah Ocalanî de bê û paştî bidê tepişteyan.

Badê qiseykerdişan çalakwanî heta verê banê NYî rayra şîyî  û bi sloganan xoverdayîşê tepişteyan selam kerd. Tîya Ziwer Muhemedî ke bi nameyê Keyeyanê Şehîdan ê Amûde qisey kerd waşt ke wa tecrîdê serê Rayber Abdullah Ocalanî cade bêro wedaritene.