Endamê Îdareyê Kongreya Îslamê Demokratîkî Mezher Şêxoyo ke Rayberê Şarê Kurdî Abdullah Ocalan dîyo, ANFyî rê bi wesîleya serrgêra Komployê 9ê Teşrîna Verêne ya 1998î qisey kerd.

Şêxoyî da zanayene ke ey 1986 de têgêrayîşê azadîye şinasnayo û vat: ''1993 de Rayber Apoyî komê şarî waştêne. Ma qasê 30 kesî şîyî warê Rayberîye. Uca de mi Rayber Apo dî. 22yê adara 1993yî bîye. Rayber Apoyî hîrê saetan ma de qisey kerd. Qiseykerdişê ey zaf tesîrê mi kerd. Wexto ke ma ey ra xatir waştêne ey mi rê vat 'fikrê xo de, xo aver bero.'

Rayber Apoyî seba ke waştêne kurdan bikero yew komplo ame kerdene. Amerîka, Rûsya, Lubnan zî tede qasê 20 welatan komplo de cagirewt. La îdeolojîya Rayber Apoyî tim hîra bîye. Rojdemê dinya tim Rayber Apoyî bi. Rayber Apoyî zîndan de zî perspektîfêk awan kerd û pêşkêşê şaran kerd. Rayber Apoyî seba kurdan bezreyê cuya azade ramit.''