Dewleta Tirkî ya îşxalkare konvoyê sivîlan ê ke bajaranê cîya cîyayan ê Vakur û Rojakwetena Sûrîye ra şîyêne Serêkanîyê ser o top varnayî, xeylî sivîlî birîndar kerdî.Nê birîndaran 3 kesan cuya xo vînî kerde.
Teyareyanê şerî yê artêşa Tirkî ya îşxalkare bajarekê Zîrganî yê Serêkanîyê ser de da sivîlan ro. Bombardûman de 12 sivîlî birîndar bîyî. Birîndaran endamê Partîya Çepe ya Sûrîye Hesen Newaw Hecî Elî zî tede 3 kesan cuya xo vînî kerde.
Herême de binê rijnayîşan de cigêrayîşê meyîtan dewam keno. Yeno qisawetkerdene ke bîlonço do hîna girde be.
