Til Temir cayan ra yo ke Dewleta Tirkan û çeteyanê aye Vakur û Rojhelatê Sûrûye de hêrişê înan zêde kenî yo. Til Temir de Asûrî, Erebî û Kurdî pîya ciwîyenê.

Çeteyanê DAÎŞ'î serra 2015 de xeta Xabûrî ser o zafê hêrişê dewanê Til Temirî kerdibi û zafê kesî qetil kerdibi. Bi sayê şervananê YPG-YPJ'yî hêrişê çeteyan amebî şiknayene û şarê Asûrî qirkerdişan ra amebî xelisnayene.

Til Temirî ra heta Hesekî Koyê Kizwanê (Abdulazîz) de 33 deweê Asûran estî. Dimayê hêrişan Asûrî nêçar mendî ke koç bikê. Dima ke QSD'yî derbeyê giranî DAÎŞ'î ro dayî, zafê Asûrî agêrayê dewanê xo. Rîyê hêrişanê Dewleta Tirkan û çeteyanê aye reyna Asûran rê tehdîtî yenê kerdene. Şarê Asûran pare kerd ke hêrişê îşxalkarî yê Dewleta Tirkan îstîkrarê herême xirab kenê. Cinîya Asûre ya bi nameyê Julîet Gîvarkîse dewa Til Rûmanî ra pare kena ke beşêko zêde yê Asûran qirkerdişê Osmanîyan ra remayê û ameyî herême.

Gîvarkîse vat: " Na herême de 33 dewê Asûran estî. Beşêkê zêde yê Asûran sereyê seserranê 20'in de hetê Vakurî rê ameyî. Serra 2015 de wexto ke DAÎŞ'î hêrişê dewanê ma kerd, zafê Asûrî ameyî qetilkerdene û remnayene. Naye ra zafê Asûran koç kerd. Ez bi xo zî mi koç kerd û ez serrêk Hesekê de menda. Herême de îstîkrar ameyêne meydan, şarê ma êdî êdî agêrayêne. Şarê ma yo ke koçê Lubnanî kerdibi, zî agêrayêne. La nika hêrişanê Dewleta Tirkî û çeteyanê aye dest pêkerd. Ma nê hêriş îşxalkarîye qebul nêkenî. Dewleta Tirkî vana ez do nê cayan azad bika? Gelo şima key azad bikê? Ma cara azad ê. Ez veng dana Neteweyê Yewbîyayeyî û dezgehanê heqanê merdiman. Wa na îşxalkarîye vindarnê. Ma heta nika 9 rey koç kerd, ma do hînî senî koç bikê? Ma haştîye wazenê. Ma sey şaranê herême, ma pêro yew ê."