Şarê Rojawanî vera hêrişanê dewleta tirke ya îşxalkere û çeteyanê SMOyî Awbendê Tişrînî de nobeta xo ya xoverdayîşî rê dewam keno. Nobetdaran ajansê ma rê qisey kerd.

Eyşe Şêx Mihemed ard ziwan ke ê bi moral ê û vat: ‘’Ma do yewîya kurdan biresnê serkewtişî. Ma hêrişanê barbaran ra nêtersenê. Ma wazenê ke heqê xo bigêrê.’’

Ebdulnasin Elî Dewrêşî îfade kerd ke ê awbendê xo pawenê û vat: ‘’Îşxalkerî wazenê ke ma bê awe û bê ceyranî ver bidê. No awbend ê ma yo. Ma amade yê ke welatê xo bipawê û hêzanê xo QSD û YPJyî reyde ser bikewê.’’

Dayîke Mircane Xelîl Îbrahîm vat: ‘’Reya çarine ez tewra na nobete bena. Dewleta tirke bêmabên hêrişê awbendî kena. Ma sey dadîyanê şehîdan tîya de yê. Ma do aw û erdê xo bi ganê xo bipawê.’’