Axîne Mihemeda 15 serre şerê zereyî yê Sûrîye reyde bîya pîl. Axîne pê paştdayîşê Yewîya Ciwanan ê Şorişgêran pê tîyatro dejanê xo ra behs kena. Keyeyê Axîne îşxalê dewleta tirke yê vera Rojawanî de di rey koç kerd. Keye Halebî ra şi Efrîn û uca ra zî koç kerd. Axîne Efrîn de Yewîya Ciwanan ê Şorişgêran reyde bena şinas û înan reyde tîyatro zî şinasnena. Pê paştdayîşê keyeyê xo Axîne zî dest pê tîyatroyî kena. 

Axîna ke pê ziwanê dayîke perwerde vînena,  fikranê xo pê ziwanê xo yê dayîke nusena. Axîne vana: ''Ez domanîya xo de kurdkî musaya. Seba ke ez dejanê şarê xo vaja ganî ez ziwanê xo bimusayêne. Ez wazena ke seba ke biba pispor xo aver bera.''

Axîne skeçan nusena û perwerde dana tay keyeyanê şehîdan. Axîne 8ê Adare de derheqê têkoşînê YBŞ-Jyî yê vera DAÎŞî de kayêk vet sehne ser.  Axîne serrgêra Qirkerdişê Helebçe de zî drama keyeyêkê kurdî yê Helebçe û derheqê daşinasnayîşê Merkezê Ciwanan ê Şorişgêran de kayî vetî sehne ser.

Axîne venga ciwanan da ke peyê xeyalanê xo de şorê.