Gerîlayê HPGyî Çalak Mazlûmî û gerîlaya YJA-Starî Eyleme Goksu Gabar bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan ajansê ma rê qisey kerd.

Gerîla Eyleme Goksu Gabar vat: ''Sîstemê hegemonîkî bi eqlê camêrdî têgêrenê û kenê ke cinîyan komelî ra dûrî bivisnê. Sîstem xîret keno ke hetê fîzîkî, feraset û psîkolojîkî ra cinîyan çin bikero. Bi vejîyayîşê Rayber Apoyî cinîyê dinya dormeyê fikranê ey de kom bîyî. Ewro Metîna, Avaşîn û Zap de gerîlayê YJA-Starî vera sîstemê îqtîdar û faşîzmî xo ver danê. Xêrê xoverdayîşanê embazanê ma yê qehremanan ra dewleta tirke ya îşxalkere nêeşkena gamêke zî bierza. Sey gerîlayanê YJA-Starî ma do dişmenî çin bikerê.''

Gerîlayê HPGyî Çalak Mazlûmî vat: ''PKK 50 serran ra nata bi ferasetê têdûştîya cinî û camêrdan têkoşîn keno. Bi taybetî karê Jineolojî yê ke serkêşîya Rayber Apoyî de dîyayî destpêkerdene, hetê azadîya cinîyan û raştîya komelkîye ra astêka newîye afernaye. Jineolojî teyna seba heqanê cinîyan ney seba pawitişê heqanê merdimatîye û komelî zî bîye raybere. Têkoşînê azadîya cinîyan têkoşînê azadîya merdimatîye yo.''