Sara Tolhildan û Rûkene Zelal 26ê êlula 2023yî de çalakîyêka fedayîye ya Mersînî de şehîd bibî. Babîyê Rûkene Zelal Felemez Zawîyî serrgêra şehadetê kênaya xo de ANFyî rê qisey kerd.

Felemezî pare kerd ke ey 1992 de Rayberê Şarê Kurdî Abdullah Ocalan dîyo û vat: ''Ma Heleb de Rayber Apo dî. Hinî ma têkoşînî ra fek vera nêda. Têgêrayîşê Azadîye yo ke serkêşîya Rayber Apoyî de dest pêkerd rûmetê merdimatîye, demokrasî, têdûştîye û azadîye paweno. Ma a roje soz da ke xeta Rayberîye ra nêagêra. Ma domanê xo zî nê têgêrayîşî ser o weye kerdî.

Rûkene zî wina bi terbîyeya partîye pîl bîye. Embazan domanan ra hes kerdêne. Rûkene mîyanê embazan de pîl bîye. A dibistane de wendekarêka serkewte bîye. 2011 de Şorişê Rojawanî dest pêkerd. Ma her roje şehîdî dayêne. Rojêke Rûkene ameye û vat 'Baba, mi çeke girewte xo destî.' Keyfê mi pê ney ame la mi ancî vat ke no rayîr zehmet o. Aye vat 'Ti sereberz be, hayîya mi zehmetîyan ra est a.' Mi zî aye rê vat ke wa rayîrê ci akerde  bibo.

Dima wextêk mi a nêdîye. Rojêke Rûkene û embaza ci Sara ameyî keye. Sara zî hinî kênaya ma bîye. Dima heta şehadetê ci ma aye ra xebere nêgirewte. Rûkene seba ma sey embazanê bînan bîye. Erkê ci çi bi aye o kerd. Qet yew welat bi rehetî nêameyo xelisnayene. Rojawanî xeylêk şehîdî dayî. Her roje zî xebera şehîdan yena. Dewleta tirke her roje hêrişê ma kena. Ma merdimê welatperwer ê, xora ma nêremenê. Coka ma dest erzenê çeke û xo pawenê. Ma hêrişê çewî nêkenê. Ma vera  hêrişan xo ver danê.

Rûkene seba şar, welat û azadîya welatê xo ganê xo da. Aye sey embazanê xo ganê xo feda kerd. Ma bi şehadetê aye sereberz ê. Şehadetê aye seba ma fîraz o. Seba ma Rûkene senîn a Sara zî o qayde ya. Înan pîya têkoşîn kerd, xo ver da û pîya şehîd bîyî.''