Fermandarîya Qerargehê Merkezî ya YJA-Starî derheqê çalakîya vera bînaya polîsan a Mersînî de eşkerayîyêke daye. Eşkerayîye wina ya:

''Vera hêrişanê qirkeran ê hukmatê cergan ê AKP-MHPyî 26ê êlula 2022yî de embazanê ma Sara Goyî û Rûkene Zelal xeta Zîlane viste dewre. Ma nê şehîdanê xo yê pîlan bi rêzdarî û minetî yad kenê. Nê embazanê ma cayêkê tewr asayîşî yê dişmenî de, bi baldarî, çêrî û qerardarîyêka pîle serê xeta Rayber Apoyî de xo resna azadîye û tewirê gerîlayanê cinîyan ê rêxistinbîyayeyan temsîl kerd.. Ma çalakîya heybetîne ya embazanê xo bi coşî selam kenê û fîraz kenê.

Îdareyê cergan ê AKP-MHPyî bi artêşa xo, bi hêzê xo yê çeteyan, bi rêxistinîya JOH-POHî, bi rêxistina xo ya îstîxbaratî astanê îdeolojîk, sîyasî, leşkerî û komelkîyan de konseptê îşxalî û çinkerdişê Kurdîstanî newe ra vist dewre. Nê esasî ser o teda, îşkence û sîstemê zulmî vera zîndanan keno, pêro welatî rê vila keno û asta mîyanneteweyîye de polîtîkaya 'Kurdîstanî bêîrade verdê, bikerê hemkarê xo, newe ra îşxal bikerê, newe ra parçe bikerê' bîyaro ca û asta sûcê şerî de hêrişê têgêrayîşê ma keno, wazeno bi nê hawayî netîce bivisno destî. Hêrişê vera Behdînan bi nê armancî yenê kerdene. 14ê nîsana 2022yî ra nata hêrişê vera gerîlayan benê giranêr, sûcê şerî yenê kerdene. Verê çimanê dinya de bi hemkarîya hêzanê hegemonîkan de pêlê qirkerdişî vera Kurdîstanî est o.

Vera nê teda û hêrişan têgêrayîşê ma yê azadîye serkêşîya Rayber Apoyî û cinîyan de, bi krîterê 'pawitişê estbîyayîşî, caardişê azadîye' têkoşînê meşrûyî keno. Nê esasî ser o serkêşîya YJA-Starî de xoverdayîşêko pîl yeno kerdene, hêzê ma bi hawayêkê tesîrînî têgêrenê. Çalakîya heybetîne ya embaze Sara û Rûkene temsîlê cinîya azade resnayo asta tewr berze. Nê prosesê qirkerdişî de wird embazê ma bîyî hêzê pirodayîşî û caardişê tercîhê cuya azade, îrade û rûmetî. Bîyî wayîrê gamêka tarîxî, mîyanê erjanê ma de bi hawayêkê heqdarî û ercîyayeyî cayê xo girewt. Nê prosesê tarîxîyî de embazanê ma bi hawayêkê rêxistinî xo resna hedefê xo, çalakîya xo kerde û bîyî wayîrê tewirêkê Zîlane û serkêşîya YJA-Starî de xo resna asta tewr berze.

Embazê ma Sara û Rûkene xeta azadîya cinîyan de bîyî milîtanê Rayber Apoyî û na xete tim temsîl kerde. Wird embazanê ma zî erkê xo bi kelecanî girewt xo milî. Na çalakîye îradeyê azadîye yê cinîyan, hêzê pirodayîşê artêşa cinîyan temsîl kena. Coka wird embazê ma bîyî îradeyê têkoşîn û cuya rûmetêne, îradeyê azadîye. Ê bîyî rûmetê azadîye yê şar û cinîyan ê kurdan.

Dewleta tirke ya faşîste vera na çalakîya fedayîye şaş mende. Dewleta tirke heta ke hêrişanê xo nêqeda do biba hedefê çalakîyanê ma yê winasênan. Prosesêkê winasênî de fermandara pîle Sara û embaze Rûkene bîyî teqîbkerdoxê serkêşîya têgêrayîşê azadîye. Çalakîya embazanê ma her hetî ra ganî hol bêra famkerdene û her kes ganî tewrê nê têkoşînî bibo. Sere de seba embazanê ma, seba her kesî wezîfe yo ke nê bingeyî de verê xo bidê serkewtişî û bibê hêzêkê têkoşînî. Ma venga her kesî danê ke bi mesuldarî, b tewirêkê çêrî tewrê gerîlayan bibê, bingeyê azadîya Rayber Apoyî de ma sozê xo yê serfîrazîye dibare kenê. Embazê ma Sara Goyî û Rûkene Zelal bi tewirê Zîlane bingeyê azadîye de sereyê pêro cinîyan berz kerdî. Ma na çalakîya înan a heybetîne bi sereberzî selam kenê, fîraz kenê. Ma vanê: Cinîyî do dinya bixelisnê.''