Saete 9 de kuçeyê Mesakinî yê mehlaya Salihîye, saete 09:45 de meydanê El Meşheme de, tayê verî zî mehlaya Kelasê de teqayîşêk virazîya. Ame pêhesnayene ke rîyê teqayîşê peyênî ra endamêkê Hêzê Asayîşî yê Zereyî birîndar bîyo.

Teqayîşo ewilên mehlaya Salihîye de virazîya. Teqayîşî ver a bi çewî çîyêk nêbi.

Teqayîşo dîyin dorê saete 9:45 de nizdê çerxerayîrê El-Meşheme yê mehlaya Salihîye ya bajarê Hesekê bi motorsîkletêka bombabarkerdeye ame kerdene. Netîce de ziraro madî virazîya.

Hêzanê Asayîşî yê Zereyî dorê cayê qewimîyayîşî girewt.

Teqayîşo hîrêyin mehlaya Kelasê de virazîya. Teqayîşî ver a endamêkê Hêzê Asayîşî yê Zereyî birîndar bi.

Ame pêhesnayene ke teqayîş nuqteya kontrolî ya Hêzê Asayîşî yê Zereyî ya sere rayîrê trêne ya mehleya Kelasê de virazîyayo.