Şerwananê Hêzê Sûrîyeya Demokratîke (QSD) oprasyonê vera çeteyanê DAÎŞ’î yê dewa Baxozî ya pabesteya Hecînî yo ke seba ke sivîlan destê çeteyan ra bixelisnê 9’ê Sibate de mabên dabi ci, vizêr şan reyna da destpêkerdene.

9’ê Sibate ra heta nika bi hezaran sivîlî û çeteyê DAÎŞ’î û keyeyê înan ê ke Baxoz de bî ameyî tehlîyekerdene û ameyî berdene bi cayanê biasayîşî. Çeteyê ke zafê înan xerîb î, tehlîyekerdiş qebûl nêkerd û vanê ke ê do şer bikerê. Nê çeteyê ke hûmara înan nêzdîya 500’yî ya vera înan operasyon ame destpêkerdene.

Goreyê zanayîşo ke QSD’yî dayo ANF’yî mabanê 9’ê Sibate û 1’ê Adere de zafê înan çeteyê DAÎŞ’î û keyeyê înan 9 hezar sivîlî Baxozî ra xelisnayî û vera çeteyanê ke teslîm nêbîyî operasyon dayo destpêkerdene. Goreyê fermandaranê QSD’yî çeteyê ke Baxoz de mendî zafê înan Rojakewtena Dûre, Komarê Tirkî, Welatê Ewropa, Çeçenîstan û Tirkîye ra yî.

Fermandaranê QSD’yî ra Ednan Efrînî vat ke bi hezaran sivîlî û çeteyê DAÎŞ’î û keyeyê înan ke Baxoz de bî ameyî tehlîyekerdene. 1’ê Adere  de dewe de sivîlî nêmendî û çeteyê ke teslîm nêbîyê vera înan şerwananê ma dest bi operasyonî kerd. Despêkerdişê operasyonî ra dima herême de pêkewtişê giranî ameyî ciwîyayene. Bînşewe heta serê sibayî Baxoz de şer giran bi. QSD’yî da zanayene ke ê hîrê hetan ra aver şîyê.

Hetê bînî ra bi hezaran çeteyê DAÎŞ’î û merdimê înan ke ameyî tehlîyekerdene semedê Vakur û Rojakewtena Sûrîye tehlukeyêko gird ê.