Operasyonê şerwananê QSD’yî yê vera çeteyanê DAÎŞ’î, Baxoza qezaya Hecînî yê Dêrazorî de dewam keno.

Di rojanê peyênan de heme keyeyî çeteyan ra ameyî girewtene.  Çeteyî cayêkê tengî de mendî. Hetê bînî ra xebatê hewilnayîşî zî dewam kenê. Vizêr saetanê şanî de 60 çeteyî teslîm bîyî.

9'ê Sibate ra heta 1'ê Adare 10 hezar kesî ra zêdeyî herême ra ameyî vetene. QSD’yî vera çeteyanê DAÎŞ'î û keyeyê înan ê ke zafê înan xerîb î û teslîm nêbenê, 1'ê Adare saete 18 de hîrê hetan ra herême de dest bi operasyonî kerd. Operasyono ke şerêko giran qewimîyayo de, seba çeteyan ê ke bado qebûl kerdo ke teslîm bibê, hetêkê operasyonî ame vindertene û korîdorêkê hewilnayîşî ame akerdene. Nê korîdorî ra 4’ê Adare ra heta 10’ê Adare nizdê 9 hezar kesî ameyî hewilnayene û şerwanan reyna dest bi operasyonî kerd. Şerê di rojanê peyênan ê şerwananê QSD’yî de 15 nuqteyî ameyî destfînayene. Çeteyî cayêkê tengî de yê û averşîyayîşê şerwanan dewam keno. Fermandarîya QSD’yî ewro reyna semedê teslîmbîyayîşî veng da çeteyan.