Baxoz de bi seyan çete û keyeyê înan teslîm bîyî

Baxoz de operasyono peyên ê vera çeteyanê DAÎŞ'î dewam keno. Bi seyan çete û keyeyê înan teslîmê şerwananê QSD’yî bîyî.

Goreyê zanayîşanê ke çimeyan ê Hêzê Sûrîyeya Demokratîke (QSD) yê Baxozî ra ameyê girewtene, nêzdîyê 400-500 kesê bînî Baxoz de teslîm bîyî.

Ame zanayene ke zafêrîyê kesanê teslîmbîyayan, welatanê Tirkmenistan, Kazakistan, Ozbekistan û welatanê Rojakewtena Mîyanêne ra yê. Çeteyê ke Asyaya Mîyanêne ra yenê, Tirkîya ser o derbazê Surîye benê.  Vervatoxê Çapemenîya QSD’yî Mûstafa Balî da zanayene ke Baxoz de çeteyî sîvîlan sey mertal bikar anê û fikirîyenê ke seba çeteyanê DAÎŞ’î yê ke wazenê teslîm bibê korîdorêk abikerê. Herêma ke çeteyê DAÎŞ’î wareyo qij de tede tengasîye de mendê de û serê menga Kanûne ra nat 53 hezar kesî teslîmê QSD’yî bîyî. Mabênê nînan de cinî û domanan reyde zaf endamê çeteyan zî estê