Bedran Hemoyî destpêkê qiseykerdişî de mexdûranê erdlerzî rê serweşîye û şîfa waşt.

Hemoyî dîyar ke, herêmê ke tewr zaf tesîrê erdlerzî mendî, Efrîn û qezayê ci yê û vat, ‘‘Qezaya Cindiresî bi tarîxê xo zaf zaf kehen a la nika bi hezaran keyeyê rijîyayî bi hezaran birîndar û merdîyî tede est ê û hema binê xirban de zî xeylê însanî est ê. Heta nika yew sazgehê mîyanneteweyî zî hetkarîya ma nêkerda. Ma eşkenê vajê ke qezaya Cindiresî bîya Helepçeya diyine û Erdogan zî bîyo Sedam Huseyîn. Çunke dewleta tirke destûr nêdana ke hetkarîyî bêrê tîya, rayîr nêakena. Çunke wexto ke rêxistinê mîyanneteweyî bêrê tîya pêroyê sûcê dewleta tirke eşkera benê. Dewleta tirke wazena mabênê şarê kurd û ereban de dişmentî rona. Şarê kurd û ereb bi hezaran serrî yo ke pîya na herême de ciwîyenê. Gere dişmentî nêdekewa mabênê ma.