Goreyê selahîyetdaranê Îdareyê Xoserî yê Rojawanê Kurdîstanî hêrişanê Îsraîlî ra dima berê sînorî yê Tahîye yê Minbicî û Tebqa ra qasê 8 hezar kesî derbaz bîyê. Ame parekerdene ke 9 cenazayî zî ameyê derbazkerdene.
Masaya krîzî beranê sînorî yê Tebqa û Tahîye yê Minbicî de kesanê ke Lubnanî ra yenê pêşwazî kena.
Çend rojanê peyênan de 7 hezar û 703 sûrîyeyîjî û 22 lubnanijî wird beran ra derbazê herême bîyê. Beran ra 9 cenazayî zî ameyî derbazkerdene.
Netîceya şerê Îsraîl û Hîzbullahî de bi des hezaran sûrîyeyîjê ke seba karî şîbî Lubnanî agêrayî welatê xo.
Temsîlkarîya Îdareyê Xoserî ya Lubnanî 24ê êlule de seba teqîbê kar û baranê multecîyan komîteyêke awan kerde û 29ê êlule de zî masaya krîzî awan kerde.
Masaya krîzî kampan awan kena û xizmetanê cîyayan kena.
