Rojawan de bi hezaran kesan hêrişê îşxalî yê dewleta tirke yê vera Herêmanê Pawitişî yê Medya û tecrîdê Îmraliyî protesto kerdî û wayîrê xoverdayîşê gerîlayan vejîyayî.

Dêrik: Meydanê Azadîyê yê Dêrikî de hêrişî bi nawnayîşêk ameyî protestokerdene. Hemserekê PYDyî yê Dêrikî Mihemed Ebdulrehmanî nawnayîş de qisey kerd û vat: ''Nê hêrişî mojnenê ke Komployê vera Rayberîye dewam keno.''

Qamişlo: Qamişlo de pê beşdarîya endamanê Îdareyê Xoserî nawnayîşêk ame kerdene. Endama Kongreya Star a Qamişloyî Menîce Heyder û Hemserekê TEV-DEMî Xerîb Hisoyî nawnayîş de qisey kerd û îfade kerd ke hedefê Tirkîya qirkerdişê kurdan o.

Amûdê: Amûdê çalakîyêka rayraşîyayîşî ameye kerdene û qiseykerdişan de tecrîdê vera Rayberîye û hêrişî ameyî şermezarkerdene.

Tirbêsipîyê: Nawnayîş de nameyê PYD, Kongreya Starî û Meclîsê Rîsipîyan qiseykerdişî ameyî kerdene û ame parekerdene ke şar hetê gerîlayan de yo.

Til Hemis: Bi seyan roniştoxê Til Hemisî vera hêrişanê îşxalî û tecrîdê Îmraliyî rayîrî ra şîyî. Ame parekerdene ke şarê Rojawanî amade yo ke seba fikranê Abdullah Ocalanî xo feda bikero.

Çilaxa: Roniştoxanê Çilaxa pê nawnayîşêkî xoverdayîşê Îmraliyî û gerîlayan selam kerdî.

Til Birak: Nawnayîşê Til Berakî de pê sloganan hêrişê îşxalî ameyî şermezarkerdene. Nawnayîş ancî pê slogananê 'Bê serek cuye nêbena', 'Biciwîyo xoverdayîşê Îmraliyî', 'Şar Ocalanî wazeno' qedîya.