Dewleta tirke ya îşxalkere 19ê teşrîna peyêne ra nata hêrişê Rojawanî kena. Hêrişan de heta nika 13 sivîlî û 6 şerwanî şehîd bîyî. 20ê teşrîna peyêne de Kobanê de bombarduman de nêweşxaneyê Kovîdî bi temamî rijîya.
Dewleta tirke ya îşxalkere 19ê teşrîna peyêne de herêmê Dêrik, Dirbêsipîyê, Ebû Rasen, Kobanê û Şehba dayî bombayan ver.
Bîlançoya hêrişan wina ya:
Dewa Teqil Beqilî ya Dêrikî de xebatkarêkê santralê ceyranî şehîd bi, bombardumanê diyînî de zî muxabîrê ANHA Îsam Ebdullah zî tede 11 kesî şehîd bîyî û 6 kesî zî birîndar bîyî.
Dirbêsîyê de dewa Dahirî de 2 kesî û xeta Ebû Rasenî de zî şerwanêk şehîd bîyî û tay kesî zî birîndar bîyî.
Kobanê de dewa Hêlincê, Girê Miştenûrî, dewa Şêrana, Dara Hikumîyê, Kanîya Kurdan û Qizelî dîyayî bombayan ver. Hêrişan de 2 rejîmê leşkerî merdî, 2 leşkerî birîndar bîyî. Serê sibayî yê 20ê teşrîna peyêne de zî Girê Miştenûrî, taxa Nû û Girê Kanîya Kurdan dîyayî bombayan ver. Hêriş de nêweşxaneyê Miştenûrî bi temamî rijîya.
Ebû Rasen de dewa Til Hermelî de şerwanêk şehîd bi, 3 şerwanî birîndar bîyî û 3 leşkerê rejîmî merdî, 2 leşkerê rejîmî zî birîndar bîyî.
Til Rifet û Şera de dewê koçberan Belûnîyê, Şêx Îsa, Minix û Şewarqa dîyayî bombayan ver. Hêrişan de 5 şerwanî şehîd bîyî, 2 sivîlî birîndar bîyî. Tewr tay 20 leşkerî merdî û 20 leşkerî zî birîndar bîyî.
