Şewe teyarayanê dewleta tirke ya îşxalkere herêmê Kobanê, Şehba, Girê Sipî, Zirgan û Dêrik dayî bombayan ver. Bombarduman de reyna sivîlî bîyî qûrban.

Dêrik

Dewa Teqil Betilî de wesayîtêk dîya bombayan ver û 2 kesî uca de şehîd bîyî. Şaro ke seba hetkarîye şîyêne ver bi wesayîtî zî dîya bombayan ver û nê hêrişî de muxabîrê ANHA Îsam Ebdullah zî tede 7 kesî şehîd bîyî û 3 kesî zî birîndar bîyî.

Zirgan

Teyarayan dewa Til Hermelî ya Zirganî û embarê dewa Dehir El Erebî dayî bombayan ver. Bombarduman de 3 kesî şehîd û 3 kesî zî birîndar bîyî. Heman bombardumanî de 3 leşkeranê Şamî dinyaya xo bedilnaye û 5 leşkerê Şamî zî birîndar bîyî.

Girê Sipî

Noqtaya hêzanê hukmatê Şamî dewa Qizelî ya Girê Sipî daye bombayan ver û bombarduman de leşkerêkê Şamî merd, 2 leşkerî zî birîndar bîyî.

Kobanê 

Rayîrê Cerablusî, daristanê Kobanê, taxa Kanîya Kurdan û dewa Helincê û Girê Miştenûrî dîyayî bombayan ver. Saete 09.30 de teyarayan reyna Miştenûr da bombayan ver. Bombarduman de muxabîrê Stêrk TV Mihemed Cerad birîndar bi.

Şehba

Dewa Şewarxa ya qezaya Şera ya Efrînî dîyaye bombayan ver. Hêriş de 10 leşkerê Şamî merdî, 5 leşkerî zî birîndar bîyî. Herême de têgêrayîşê hewayî dewam keno.

Herêmanê Rojawanê Kurdîstanî ser o têgêrayîşê hewayî yê teyarayanê keşfî û droneyanê çekdaran dewam kenê.