Hêzanê Xelisnayîşê Efrînî (HRE) bîlançoya xo ya serra 2019î eşkera kerde.  Goreyê naye serrêk de tewr tay 621 îşxalkerî ameyî kiştene. HRE da zanayenê ke çalakîyê înan Efrîn û qezayanê ci, herêma Şehba, Til Rifat, Bab, Ezaz û dormeyê Mare de ameyî kerdene.

HRE da zanayene ke çalakîyanê înan ê  serrane de dewleta tirke û çeteyanê ci debeyê girdî werdî  û êyê ke ameyî kiştenê mîyanê înan de 135  leşkerê tirkî û ajanê MÎTî estî.

Bîlançoya HRE wina ya: Pêro pîya 252 çalakîyî ameyî viraştene. Goreyê naye: 621 çete, leşker û endamê MÎTî ameyî kiştene. Înan ra 486 çeteyî, 135 zî leşkerê tirkî û endamê MÎT ê. 338ê înan çete, 116ê înan zî, leşker û endamê MÎTî pêro pîya  455 îşxalkerî birîndar bîyî. Tewr tay 20ê înan leşkerê payeberzî yê artêşa tirkî û grûbanê çeteyan ê. Çalakîyanê hêzanê ma de xeylêk malzemeyo leşkerî û cebilxane ameyî destfînayene. Reyna tanq û wesayîtê zirxinî zî tede 55 wesyîtê ke çeke û cepilxanê zî tede bî ameyî çînkerdene. Îxalkeran herêmanê Til Rifatî û Şehba de tewr tay 120 reyî hewa ra 15 reyî zî erdî ra hêriş kerd. Rîyê hêrişan ra şarê hêremê ziraro madî dî. Bombardûmanê îşxalkeran de 9 embazê ma şehîd bîyî.‘‘