Cenazaya Endama YATî Barîne Botana ke 22ê temmuza 2022yî de bi Fermandara QSDyî û YPJyî Jîyane Tolhildan û Fermandare Roje Xabûr netîceya bombardumanê dewleta tirke ya îşxalkere de şehîd bibî, Şehba de ameye definkerdene.
Cenazaya Endama YATî Barîne Botana ke 22ê temmuza 2022yî de bi Fermandara QSDyî û YPJyî Jîyane Tolhildan û Fermandare Roje Xabûr hêrişê dorneyêkê çekdarî yê dewleta tirke de şehîd bibî, Goristanê Şehîdanê Berxwedana Serdemê yê qezaya ehrezî yê Şehba de bi merasîmêkê girseyî ameye definkerdene.
Girseyê şarî cenazaya Şehîde Barîne Botan nêweşxaneyê Avrîn ra girewte û berde Goristanê Şehîdan. Merasîm de fotografê şehîdan û alayê YPJyî ameyî berzkerdene.
Goristan de Endamê Îdareyê Meclîsê Keyeyanê Şehîdan Hesen Berkoyî qisey kerd û keyeyanê şehîdan ra serweşîye waşte. Berkoyî hemkarîya hêzanê mîyanneteweyîyan a bi Tirkîya zî şermezar kerde.
Dima Hemsereka Meclîsê Îdareyê Xoserî yê Herêma Efrînî Şîraze Hemo qisey kerd û şexsê şehîde Jîyane, Roje û Barîne de pêro şehîdê azadîye yad kerdî. Şîraz Hemoyî wina vat: ''Ma ewro 3 sembolanê azadîye defin kenê ke zulm qebul nêkerdo û azadîye tesdîq kerda.. La dewleta tirke ê kerdî hedef.''
Endama Heyetê Perwerde û Musnayîşî Rûhat Ehmedî nasnameyê şehîde wend û teslîmê keyeyê ci kerd.
Cenazaya Barîne Botan bi sloganê 'Şehîdî Nêmirenî' ameye definkerdene.
