Cenazeya Fermandara QSD û YATî Jiyane Tolhildan Goristanê Şehîdan ê taxa Şêxmeqsûdî de hetê hezaran kesan ra ameye definkerdene. Fermandare Tolhildane 22ê temmuze de Fermandare Roje Xabur û Endama YATî Barîne Botan reyde netîceya hêrişê hewayî yê dewleta tirke de şehîd bibî.

Cenazaya Jîyane Tolhildan hetê şerwananê YPJ û YPGyî ra bi merasîmêkê leşkerî ameye definkerdene. Merasîm de fotografê şehîdan, alayê YPG, YPJ û QSDyî ameyî berzkerdene. Merasîm de seba şehîdan rêz ame girewtene.

Nameyê Fermandarîya Pêroyî ya YPG û YPJyî ser o Fermandar Rojhilat Efrînî qisey kerd û vat: ''Embaze Tolhildan Hemleya Şehîd Rûbar û xelisnayîşê Minbic û Dêrazorî de zaf erkî girewtî xo ser. Ma do têkoşînê aye rê dewam bikerê û armancanê aye bîyarê ca. Ma amade yê ke cewabê hêrişanê îşxalî yê dewleta tirke bidê.''

Hemsereka Meclîsê Keyeyanê Şehîdan Roşane Mihemed vat: ''Jîyane Tolhildan seba cuya azade têkoşîn kerd. Ma do têkoşînê şehîdan rê dewam bikerê û welatê azad û demokratîkî awan bikerê.''

Dadîya şehîde Jîyane Asya vat: ''Dadîyê şehîdan heta peynî do rayîrê şehîdan de bibê.''

Endama Komîteya Perwerdeyê Komelê Demokratîkî Zekîye Mistefa belgeyê şehadetê şehîdî wend û teslîmê keyeyê ci kerd.

Dima cenaza bi sloganan ameye definkerdene.