Cenazayê 5 şerwanananê QSDyî yê ke Operasyonê Xurtkerdişê Asayîşî de şehîd bîyê, Reqa de ameyî definkerdene.

Hêzê Demokratîkî yê El Şemalî, Komelê Cinîyan ê Zanebîyeyan, partîyî, şerwanê QSDyî, keyeyê şehîdan û xeylêk kesî tewrê merasîmê cenazayan bîyî.

Fermandaranê QSDyî ra Mehmûd Hebîbî merasîm de ard ziwan ke şehîdanê înan cewab da vengdayîşê şarê xo, bi qehremanî şer kerdo.

Hemserekê Meclîsê Sivîlî yê Rqa Mihemed Nûr El Zîbî vat: ''Seba caardişê asayîşê herême û binvistişê DAÎŞî ma zaf şehîdî dayî.''

Qiseykerdişan ra dima şehadetnameyî dîyayî keyeyanê şehîdan. Girseyî bi sloganan cenazayê xo defin kerdî.