Cenazayê endamanê Hêzanê Asayîşê Zereyî Îsmaîl Ebdulcendelî, Beşar Oryal Îsmaîl, Husam Hemed El Mûsa, Enes Ebdulezîz El Meter, şerwananê QSDyî Feyad El Nasir û Ehmed Nasir El Silêman ê ke 26ê kanûne de hêrişê DAÎŞî yê vera noqtaya Hêzanê Asayîşê Zereyî de şehîd bibî Goristanê Şehîdan ê dewa Hikumîye de ameyî definkerdene. Merasîm de keyeyê şehîdan, fermandarê QSDyî, rîsipî û şêxê eşîran, endamê îdareyanê sivîlan û leşkerîyan û bi seyan roniştoxî amade bîyî. 

Merasîm de Endamê QSDyî Mistefa Baliyî qisey kerd û vat: ''Ma soz danê şehîdan ke serê rayîrê înan de asayîş û aramîya şarî û şaristanan bîyarê ca. Ma senî ke 5 serrî verî nê cergî bin vistî reyna do bin bivisnê.''

Nameyê Hêzanê Asayîşê Zereyî ser o Elî El Hesenî qisey kerd û vat: ''Ma soz da nê welatî ke ma do pawitişê roniştoxanê xo bikerê. Ma soz danê mayanê şehîdan ke ma do vera hêrişanê serê herême bibê tirsî.''

Peynî de Meclîsê Keyeyanê Şehîdan wesîqayê şehadetî wendî û teslîmê keyeyanê înan kerdî.