Goreyê agahîyanê ke ameyê girewtene, 1ê Êlule Roja Haştîye ya Dinya de serê sibayî cerganê dewleta tirke ya îşxalkere hêrişê dewanê Minbicî yê Rojawanê Kurdîstanî kerdo.

Meclîsê Leşkerîye yê Minbicî cade cewab da hêrişan û pêkewtişan dest pêkerd.

Vervatoxê Meclîsê Leşkerîye yê Minbicî Şervan Derwîşî ANHA rê qisey kerd û pare kerd ke înan dewa Ewn Dadatî de hêrişî şiknayê. Derwîşî da zanayene ke dewanê Muhsenlî, Ereb Hesenû, Um Cilûd, Seyade û Dendeniyê de zî pêkewtişî dewam kenê.

Balkêş o ke nê hêrişî wextê operasyonanê QSDyî yê vera cerganê DAÎŞî û bazirgananê narkotîkî de qewimîyayê.

Çimeyanê leşkerîyan pê hesna ke komê ke hêrişê QSDyî kenê herêmanê îşxalkerdeyan  ê sey Serêkaniyê, Cerablus, Bab, Girê Sipî ra ferman gênê.

Cergan dewa Mihsenlî de 4 domanî qetil kerdî.