Hêriş, kiştiş, remnayîş, waştişê fîdye û qirkerdişê xoza yê dewleta tirke û cerganê ci herêmanê îşxalbîyayeyan de bêmabên dewam kenê. Cerganê dewleta tirke ya îşxalkere sivîlê bi nameyê Mislim Ehmed qetil kerd.
Cergê artêşa tirke ya îşxalkere Efrîn de kerdişanê xo yê bêexlaqan dewam kenê. Cergan hewteyêkî verê cû sivîlê bi nameyê Mislim Ehmed keyeyê ci ra remnabi û Ehmed qetil kerd. Cenazaya Ehmedî jetê roniştoxanê qezaya Cindirêsî ra ameye dîyene.
Hetê bînî ra perey dewleta tirke û cerganê ci şiwananê ke mabênê dewa Ûm El-Xêrî û Leylanî ya Serêkanîyê de hetwanê xo çêrnayene ser o guleyî varnayî.Hemwelatîyê sivîlî remayî la cergan seba heywanan înan ra fîdye waşt. 5 keyeyan 5 mîlyon lîraya Sûrîye da cergan. Cergan beşêko pîl ê heywanan nêda hemwelatîyan.
Reyna artêşa tirke ya îşxalkere bajarekê Şîyûxî ya rojawanê Kobanê ser o zî bombayî varnayî. Bombarduman de 2 sivîlî birîndar bîyî. Artêşa tirke ya îşxalkere 4 hetan ra rojawanê Kantonê Kobanê ser o bombayan varnena.
