Dewleta tirke ya îşxalkere Kobanê de domanî zî tede keyeyêkî ra 9 sivîlî qetil kerdî. QSDyî cewabê nê qirkerdişî da û baregehê îşxalker û çeteyan kerdî hedef. Merkezê Îrtîbatî û Çapemenîye yê QSDyî derheqê çalakîyan de nê agahîyî dayî:

‘’Cepheyê Qereqozaxî de 17ê adare de dewê Xeseq, Tîna, Cada, Bîr Hiso, Dîkan, Melha, Sinaa, xaçerêya Sirînê û girê Sêvê û Qereqozaqî dîyayî bombayan ver. Tîya de zeraro madî resa mal û mulkanê şarî ser.

Şerwananê ma seba cewabdayîşê qirkerdişê Kobanê vera baregehê îşxalker û çeteyan çalakîye kerde. Tîya de xeylê çeteyî û îşxalkerî kişîyayî û biirîndar bîyî. Dima şerwananê ma çalakîyêka bîne kerde û da baregehê îşxalkeran ro. 

Yewinanê Şehîd Harunî zî 4 çalakîyê hewayî kerdî û netîceya nînan de noqta û kozikê îşxalker û çeteyan ameyî pirodayene.

Cepheyê Awbendê Tişrînî de îşxalkeran awbend û dormeyê ci dayî bombayan ver. Hêzanê ma bi çalakîyan cewab da hêrişan. Tîya de 3 çeteyî kişîyayî û 2 çeteyî zî birîndar bîyî.

Cepheyê Eyn Îsayî de îşxalker û çeteyan hêrişê dewa Bîr Erebî kerd. Dima dewa Ebû Sirayî zî dîyaye bombayan ver. Şerwananê ma bi çalakîyanê xo hêrişî şiknayî. 

Teyarayê îşxalkeran asmênê Eyn Îsa û Kobanê ser a gêrayî.’’