Unîversîteya Rojawanî ya Qamişloyî de bi tewrbîyayîşê bi desan wendekar, roşnvîr û temsîlkaranê partîyanê sîyasîyan semînerêk ame kerdene.

Semînero ke serê programê Zoomî ra ame kerdene de Nuştox û roşnvîro amerîkayîj Noam Chomskyî qisey kerd.

Chomskyî ard ziwan ke Rojawan prosesê keratî ravêreno û vat: ''Problemo esasî oyo ke hêrişê dewleta tirke ke bi paştdayîşê Amerîka yenê kerdene senî bêrê vindarnayene. Hetê bînî ra vera hukmatê Şamî do rayîrêko senî bêro teqîpkerdene. Rojawan heta nika estbîyayîşê xo rê dewam kerd. No yew mucîze yo. Tecrubeyan ra ma fam kenê ke paştdayîşê mîyanneteweyî mumkun o.''

Chomskyî bale ante serek Joe Bideno ke Amerîka de newe ameyo vîjnayene û Rojhilatê Mîyanênî ser û vat: ''Eke zextê şarî mebo Biden zî do sîstemo ke zengînanê Amerîka paweno rê dewam bikero. Beno ke Trumpî ra cîya bo la ganî zaf çî nêro pawitene. Ganî her kes şiro Bidenî ser. Ez vana qey Biden sey Trumpî wehşî nêbeno û îhtîmal nêdana ke o sey Trumpî qetilkerdişê kurdan tesdîq bikero.''

Chomskyo ke îdareyê Rojawanî rê vernîyazî kerdî vat:  ''Sey gama verêne wa heqê cinîyan bigerîyê binê temînatî. Afrîkaya Başûre pê gamanê winayênan ser kewt. No hêvîya şima ya zî. Şorişê Rojawanî mucîzeyêko bierc o, ganî no erc dinya de bêro vînayene. Pê paştdayîşê şarî şima do biresê waştişanê xo.''