Cinîyê Êzidîyî wazenê tewrê mehkemeya muhakemekerdişê DAÎŞ’ijan bibê

Beşdaranê forûmê qezaya Amûdê ya Qamişloyî ra Hêza Şengal a YJŞ’yije vat bi nameyê cinîyan ê Êzidîyan ê wazenê tewrê mehkemeya muhakemekerdişê DAÎŞ’ijan bibê. 

Sûad Mûrade (Hêza Şengale) serra 2014 de Şengal de mîyanê zulmê DAÎŞ‘î de esîr mende û dimayo ke remaye tewrê refanê YJŞ’yî bîye. Hêza Şengale qalê çîyanê ke ameyê aye sere û halê nikayênî kerd.

Hêza Şengale vist vîrî ke serra 2014 de gama ke cinîyê Êzidîyî esîr kewtî destê çeteyanê DAÎŞ’î a zî ê esîran ray ewe bîye û vat, “Keyeyê mi ra 25 kesî kewtî destê çeteyanê DAÎŞ’î. Înan destpêk de ma Iraq de esîr girewtî û dima ra ardî Sûrîye. Sûrîye de zî ma cinî, domanî û kokimî pêro eştî zîndan. Gamêk ra dima mayî ma ra dûr fînayî û ciwanê ke mendî her rey rotêne û herînayêne.

Înan ez zî sey xizmetkare xo dir berda. Sey koleyan ma înan rê xizmet kerdêne. Dima ra înan heme cinîyê Êzidîyî cayêk de ardî pêser. Înan o ca açarna bazarê keyna û cinîyan ê Êzidîyan. DAÎŞ’î xeylî zulm ro ma kerdêne, dayêne ma ro, îşkence kerdêne.”

Hêza Şengale ard ziwan ke Reqa merkezê DAÎŞ‘î bi û dimayo ke bi hezaran cinîyê Êzidîyî meydanê Daîmî de ameyî rotene, bi seyan îşkence dîyêne û tayê cinîyan seba ke ameyêne rotene xo kişt.

Hêza Şengale vat ke cinîyanê ke teşebusê xokiştişî kerd ra yewe zî a bîya û vat, “Mi hîrê reyî xokiştişî rê teşebus kerd. Gama ke ma teşebus kerdêne ke xo bikişê seba ke bieşkê