Şaristanê Minbicî yê Rojawanî de domanêke rê tecawuz ame kerdene û dima domane ameye qetilkerdene. Komeleya Pawitişê Heqanê Cinîyan û Domanan ê Minbicî û dezgehanê cinîyan ê Minbicî bi çalakîyêke serebût şermezar kerd û waşt ke faîl yan zî faîlî bêrê dîyene û verê pêro hemwelatîyan de cezaya tewr girane wa bêra dayene ci.

Komele vat: ''Kamî no serebût kerdo wa teslîm bibo û wa cezaya xo bigêro.''

Eşkerayîye de ame vatene ke ganî seba pawitişê domanan qanûnî bêrê vetene.

Derheqê serebûtî de tehqîqat dîya destpêkerdene.