Ciwananê Efrînî yê  herêma Şehba qala karê xo yê wextê qedexeyê vejîyayîşê teberî kerde. Endamê Îdareyê Ciwananê Şorişgêran ê Kampa Berxwedanî Reşîd Silêmanî vist vîrî ke pê vilabîyayîşê vîrusê Korona Îdareyê Xoserî tay tedbîrî girewtî û vat: ''Şarê ma mîyanê şert û mercanê vîrusî de zî xoverdayîşê xo de israr kerd û qet qebul nêkerd ke teslîmê nêweşîye bibo.''

Reşîd Silêmanî ard ziwan ke Komîteya Weşîye reyde Têgêrayîşê Ciwanan zî seba pawitişê şarî xebitîyeno û vat: ''Nêweşî hema nêqedîyaye. Şarê Efrînî hem vera îşxalan hem zî vera vîrusê Korona têkoşîn keno. Dewleta tirke zî nê prosesî de hêrişê xo kerdî giranêr la ma zî xoverdayîşê xo dewam kenê.''

Reşîd Silêmanî pare kerd ke ciwanan tedbîrê mendişê keyeyî sey firsendêk dî û pê xoperwerdekerdişî nê prosesî ra îstîfade kenê. Silêmanî venga ciwanan da ke goreyê biranê Îdareyê Xoserî têbigêrê, xoverdayîş xurt bikerê.

Endama Koordînasyonê Wendekaran Sema Osman zî îfade kerd ke wendekaran nê wextî de giranîye daye perwerdeyê şexsîyî ser û xo bi xo cigêrayîşan kenê.

Hemserekê Heyetê Ciwanan û Sporî Mihemed Wêsî zî eşkera kerd de eke ciwanî aver şorî komel zî aver şona. Coka ê giranîye danê perwerdeyê şexsîyî ser.