Dewleta tirke hêrişanê vera herêmanê Rojawanê Kurdîstanî bêmabên dewam kena û kena ke şarê herême koç bikero. Ciwananê Kobanê derheqê babete de ANFyî rê qisey kerd. 

Ciwana bi nameyê Zîne Ehmed da zanayene ke dewleta tirke bi şerê taybetî wazena ciwanan erdê înan ra dûrî bivisna û vat: ''Dewleta tirke wazena erdê ma veng bikera û hêrişê ci bikera. Ez venga her kesî dana ke wa erdê xo ra fek vera medo û abigêro. Welatê ma ra ber welatêko bîn nêbeno bara ma. Kesê ke şîyê nêeşkenê welatan bînan de bi azadî biciwîyê. Ma sey ciwanan heta peynî serê erdê xo de bimanê û ma do erdê xo ra fek vera medê.''

Rûkene Temo Îbrahîm vat: ''Kurdîstan bi destê dewletanê Ewropa nêameyo parçekerdene? Çira ciwanê ma verê xo danê welatanê Ewropa? Ez venga ciwanan dana ke wa wayîrê erdê xo vejîyê û verê xo nêdê welatanê bînan.''