Têgêrayîşê Ciwananê Şorişgêran ê Sûrîye û Yewîya Cinîyan ê Ciwanan seba paştdayîşê gerîlayan Qamişlo ra ver bi Dêrikî Rayraşîyayîşo Derg kerd.

Beşdaranê rayraşîyayîşî ra Hebûne Mihemed, Mehmud ê ke kobanêyîj ê û Hisên  Begarîyo ke Minbicî ra yo ANFyî rê qisey kerd.

Hebûne Mihemed îfade kerd ke seba paştdayîşê gerîlayan û caardişê azadîya Rayberê Şarê Kurdî Abdullah Ocalanî înan Rayraşîyayîşo Derg kerdo û vat: ''Herêma Firatî ra ciwanî bi coşî tewrê rayraşîyayîşî bîyî. Ez reyna venga ciwanan dana ke ma wayîrê xoverdayîşê gerîlayan vejîyê. Rayraşîyayîşê ma qedîya la çalakîyê ma do dewam bikerê. Ma sey ciwanan seba seferberîye amade yê.''

Hisên Begarîyî ard ziwan ke ê do heta peynî paştî bidê têkoşînê gerîlayan û vat: ''Ma xoverdayîşê gerîlayan ê Zap, Avaşîn û Metîna selam kenê. Seba paştdayîşê gerîlayan ma do çalakîyanê xo rê dewam bikerê. Dewleta tirke û hemkarê ci keyeyê Barzanîyan do vera gerîlayan bin bikewê.''

Ciwanê bi nameyê Mehmûdî zî pare kerd ke ê do heta peynî hetê gerîlayan de bibê û seba ney zî do tim çalakîyan bikerê.