Verba hêrişanê îşxalkaîye yê dewleta Tirkî û çeteyanê aye yê serê Vakur û Rojakewtena Sûrîye ciwanê çar hetê Kurdistanî ra beşdarê Xoverdayîşê Rûmetî benê.
 

Ciwanê ke tewrê xoverdayîşî bîyî ANF'yî rê qisey kerd:

Dêrsim Germîyanîyo Çemçemalijî îfade kerd ke mabênê Rojawanî, Rojakewtene, Başûrî Vakurî de cîyayî çin a û vat: "Dişmen rûmetê ma rê hêriş keno. Verba îşxalkarîya dewleta Tirkî tewrê QSD'yî bîya. Ez veng dana pêroyê Kurdistanîjan bi taybetî ciwananê Çemçemalî yê Başûrê Kurdistanî ke verba dişmeno qirker û îşxalkarî bibê yew û rûmetê xo bipawê. Ma erdê xo bipawê. Çar parçeyê Kurdistanî ra û dinya ra ciwanî tewrê nê xoverdayîşî bîyî. Bi taybetî veng dana ciwananê Başûrî ke tewrê xoverdayîşî bibê."

Pencewînî ra Yunis Omer Elîyî zî vat: "Ciwanê Başûrê Kurdistanî sînoran nas nêkenê. Ma Erdoganî rê vanê ke 'Ma ciwanê Başûrî qet nêverdenê ke xeyalê to bêrê ca'. Ez veng dana ciwananê Pencewînî ke tewrê xoevrdayîşî bibê"

Kerkûkî ra Mihemed Azadî vat: "Wezîfeyê ciwananê Kurdistanî yo ke verba hêzanê îşxalkaran xo bipawê. Ganî ma verba nê îşxalkarîye wurzê payan ser."

Silêmanîye ra Tojwar Omerî var: "Heta ke nê hêrişî biqedê, amade ya ke verba dewleta Tirkî şer bika. Veng dana ciwananê Kurdistanî ke dewleta Tirkî boykot bikê."

Silêmanîye ra Şîvan Mehammed Hemîdî zî vat: "Veng dana pêroyê ciwanê Kurdistanî ke tewrê xoverdayîşê rûmetî bibê. Veng dana şarê Başûrê Kurdistanî ke dewleta Tirkî boykot bike û mebê hemparê na îşxalkarîye."

Habîb Yasînî vat: "Başûrê Kurdistanî ra tewrê xoverdayîşî bîya. Seba çinkerdişê Erdoganî ma ma tîya de yê."

Ahmed Vefaîyo Xorasanijî vat: "Bi hezaran kilometreyan ra derbas bîya û ez ameya  Rojawan. Ma ameyî ke pîya verba dişmeno ke wazeno erdê ma, neteweyê ma çin bike, têkoşîn bidê. Ma do nêverdê ke dewleta Tirkî ya faşîste erdê ma îşxal bike."