Lîlave Jînda (Lîloze Ozkan) 19ê êlule de herêma Metîna ya Herêmanê Pawitişî yê Medya de hêrişanê dewleta tirke ya îşxalkere de şehîd bîye. Raywanîya aye Qamişlo de dest pêkerdbî.

Keyeyê Lîlave dima ke Rayberê Şarê Kurdî Abdullah Ocalanî derbazê Rojawanî bibi PKK şinasna û tewrê têkoşînê azadîye bibi. Lîlave bi tesîrê Serewedaritişê Qamişloyî yê 2014î rîyê dişmenî yo gemarin dî.  Dima ke merdimê aye Hebîb û Rodî refanê Şorişê Azadîye yê Rojawanî de şerê vera cergan de şehîd bîyî hêrsê Lîlave zî zêdîya. Lîlave seba ke dişmenî ra qesasî bigêra 22yê adara 2017î de tewra gerîlayan bîye. Aye Heftanîn de dest pê gerîlatîye kerd û derbazê Metîna bîye. Çarçewa Hemleya Şorişgêre ya Şehîd Savaş Maraşî ya Cengê Xabûrî de serkêşîya şerî kerde.

Dadî û babîyê Lîlave Cîhane û Ehmed Ozkanî ANFyî rê qala Lîlave Jînda kerde.

Babî Ehmed Ozkanî pare kerd ke Lîlave domana înan a verêne bîya coka zaf qîmetîn bîya. Babî Ehmedî vat: ''A mîyanê cigêrayîşanê cîyayan de bîye. A kesêka çêr, bêters û xebatkare bîye. Aye zaf wendêne û nuştêne. A dibistane de tim aya tewr serkewte bîye. Aye şîîran ra her kerdêne û şîîrî nuştêne. Lîlave tim persayêne ke çira kurdî yew nêbenê. Aye na peyê armancê xo. Ma zanayêne ke rojêke xebara şehadetê ci do bêra. Ma pê sereberz ê û ma do rêçê aye ser de bibê.''

Dadîya Lîlave Cîhane Îbrahîm da zanayene ke a û Lîlave seke embazê yewbînî bîyê. Seba ke ez mamosta ya mi a xo de berdêne dibistane. A goreyê serra xo zaf aqîl bîye, tim persê pîlî persayêne. A zerrînizm, hişmend bîye. Wexto ke babetêke fam nêkerdêne aye ma de nîqaş kerdêne û famkerdişî ra hes kerdêne. Lîlave way û birayanê xo rê zî rayîr mojna.''