Vera bajarekê Ebû Hemamî yo ke keweno rojawanê Dêrazorî bi wesayîtêkê bombabarkerdeyî hêrişêk ame kerdene. Teqayîş de 3ê ci domanî 4 kesî merdî.

Hêriş roja yewîne ya serrîya newîye de ame meydan. Bajarêkê Ebû Hemamî de netîceyê teqayîşê wesayîtêkê bombabarkerdeyî de cinîyêk û 2 domanê ci û domanêko bîn cayê serebûtî de merdî.

Tîmanê bapesteyê QSDyî û tîmanê Hêzanê Asayîşê Zereyî teqayîşî ra dima cayê serebûtî de cigêrayîş kerd. Cayo ke tede teqayîş ame meydan hemwelatijanê herême amadekarîye kerdêne ke roja çarşemeyî Rûsya û rejîmê Sûrîye bi çalakîyêke protesto bikê. Teqayîş nêzdîyê noqtayê QSDyî de ame kerdene.