Dewleta Trikî bitaybetî  destpêkê şerê zereyî yê Sûrîye de bi nameyê 'Artêşa Mîllî ya Sûrîye' komê çeteyan ê El-Qaîde, Îhvan kom kerdî û verba şar û bawerîyan sucî kerdî ke no kerdişê ci yê yewîn nîyo. Çeteyê ke Erdoganî ardî pêser, mabênê serranê 2012-2013 de Serêkanîyê kerdibi hedef, verba şarê herême sucî kerdibi.

Komê çeteyan ê  sey El- Nûsra, Gurebba Şam, Ehrar Xwêran, Etralî Resûlê ke o çax hetê MÎT'î ra Dîlokê de ameyî pêser û nika zî Selîm Îdrîs înan serî de yo, reyna hêrişê Serêkanîyê kenê. Tarîxê 8'ê Teşrîna Peyêna 2012, 19'ê Kanûna 2012, 16'ê Çeleyê 2013 û 16'ê Temmuze 2013 de çeteyan verba Serêkanîyê 4 hêrişê pîl û herayî kerdî û hêrişê înan hetê şarê Serêkanîyê û şervananê YPG/YPJ'yî ra amebî çinkerdene.

Serêkanîyê de Kurdî, Erebî, Sûryanî, Çeçenî, Tirkmenî, Ermenîyî û Êzidîyî pîya ciwîyenê û bawerîyê cîyayî estî. Hêrişo diyîn ê verba Serêkanîyê de Dêrê Ortodoksî yê Sûryanî amebi texrîpkerdene û dêr bi temamî amebi mayinkerdene. Ê rojan de Artêşa çeteyan ê Erdoganîya ke bi xeyalê 'camîyê Emewî' de nimaj bikê kewtibi rayîr û gayrîmisilmanî sere birnayî, cinîyî recm kerdî û sond werd ke gonîya Kurdî bişimî, binkewtişê xo yo yewîn zî Serêkanîyê de girewt. Şervananê YPG/YPJ'yîyê ke verba Selîm Îdrîs û hemkarê ci El-Nusra ser kewtê, dero ke çeteyan taxrîp kerd, oak kerd û dim ke zingilê serkewtişî ame cenayene, der teslîmê wayîranê ci kerd. 

Dêrê Ortodoksî yê Sûryanî dimayê hêrişanê îşxalkaran reyna bêcemaat mendo. Şervana YPJ'yî Hêlîn Serêkanîyê erd ziwan ke wexto ke 2013 de çeteyan hêriş kerdibi dêr texrîpkerdibi û hetta zingilê ci zî diznabi. O wext dêr çeteyan ra amebi xelisnayene û teslîmê wayîranê ci bîyo. Şervana YPJ'yî Hêlîn Serêkanîyê vat, "Dêr zî ê ma yo, camî zî." A roja ke dêr çeteyan ra amebi xelisnayene fermandara YPJ'yî MEryem Kobanê zî Serêkanîyê de bîye û îfade kerd ke a roje pêroyê şarî û bawerîyî kêfweş bîyî. Meryem Kobanê hêrişê nikayênî yê verba Serêkanîyê  vistî vîrî û vat, "Ewro reyna şarê ma, dêr û camîyê ma, sibaroja ma bîyê hedefê hêzanê tarîyan. Cinîyî, domanî û ciwanî yenê qetilkerdene. Veng dana pêroyê alemê Misilman û Xrîstîyanî ke verba na tarîtîye de vengê xo berz bikê."