Dewanê Kobanê ser o hêriş
Dewleta tirkî ya îşxalkare hêrişê dewanê Kor Elî û Selîmî yê Kobanê kena.
Goreyê xebera ke ANHAyî pare kerde, artêşa tirkî topê hewanî eştî dewa Kor Elî ya ke kewena rojawanê Kobanê. Ame vatene ke hêriş dewam keno.
Ancî 15 kîlometreyî rojawanê Kobanê de tankan ra topî erzîyayî dewa Selîmî.
Şerwananê YPG-YPJyî hemverê hêrişanê artêşa tirkî ya îşxalkare ya dewa Selîmî de cewab da. Netîceyê panayîşî de wesayîtêkê eskerî yê artêşa îşxalkare ame îmhakerdene.
