Derheqê perspektîfo ke Rayber Apoyî erşawitibî Kongreya 12ine ya PKKyî de nîqaşî dewam kenê. Rexneyê serê sosyalîzmê reelî, pênaseyê Sosyalîzmê Neteweya Demokratîke û eşkerakerdişê îdareyê ci bala sosyalîstan ante.

Rojnamegere Omer Çalînerî perspektîfê Rayber Apoyî û paradîgmaya newîye ya Têgêrayîşê Azadîye yê Kurdan ajansê ma rê ercnayî.

Laçînerî ard ziwan ke nîqaşkerdişê pênaseyê sosyalîzmê neteweya demokratîke normal o û vat: ‘’Pênaseyê ‘Sosyalîzmê Neteweya Demokratîke’ yê Ocalanî wayîrê hîrê pênaseyan o; demokrasî, netewe û sosyalîzm. Nîqaşê serê nînan zî normal ê. Pênaseyê sosyalîzmê neweyî hinî şert o. Mesele rexnekerdişê kêmasîyanê serkêşanê sosyalîstan o, mesele naye ra hîna xorin o. Eke na asta têkoşînê sosyalîzmê di se serrî bêra ercnayene hinî pênaseyêko newe yê sosyalîzmî lazim beno.’’

Laçînerî bale ante nimûneya şaredarîyan ke metnê perspektîfî de derheqê komunan de qalê ci yeno kerdene û ard ziwan ke seba ke destûr nêdano dewlete na do biba gamêka girînge. Laçînerî vat: ‘’Seba ke verê dewlete bêro girewtene no nêzdîbîyayîş armancanê bingeyînan ra yew o. ‘’

Laçînerî dîyar kerd ke vengdayîşê enternasyonalîzmî yê metnê perspektîfî girîng o û vat: ‘’Ganî têgêrayîşê sosyalîstî bêrê yewca. Enternasyonalîzm krîteranê serekeyan ê têgêrayîşê çepî/têdûştîye ra yo. Her têgêrayîşê çepe seba ganî girîngîye bidê babeta neweraawanbîyayîşî, seba geşkerdişê ruh û tewirê enternasyonalîstî têbigêro. No erkê ma yo sereke yo.’’