Dewanê Midbaxa, Mezrexa Mala Hemdoş, Dawudiye, Dirdara, Mubarekiye, Mirekis û Sikkeriye yê qezaya Zirganî ya Serêkanîyê şewa Yewşemeyî ra nata îşxalkarî hêriş kenî. Obus û tankan û teyarayanê şerî yê bêmerdimî hêrişan de ameyî xebitnayene.

Dewa Mubarekîye de şervananê QSD'yî cewabêko pît da hêrişan û netîce de 24 çeteyî ameyî kiştene û di wesayîtê ke hêriş de ameyêne xbitnayene, ameyî îmhakerdene. Dewanê bînan de zî şer qewimîyeno û îşxalkaran ra kişteyî û birîndarî estî, la netîce nêame tesbîtkerdene. Hêzanê işxalkaran xîret kerd ke bikewê  dewa Midbaxî û şervananê QSD'yî cewab da hêriş. Çeteyê îşxalkarî neçar mendî  ke xo tepîya biancî. Heman wextî de verba dewanê Sali û Til Qertelî hêriş ame kerdene û her di herêman de zî şer qewimîyayo. Dewa Babil Xêrî de zî peynîya hewteyî ra nata şer qewimîyeno. Şerê Yewşemeyî de bi desan îşxalkarê artêşa Tirkî ameyî kiştene û tankêkê înan ame îmhakerdene.