Goreyê Rêxistina Heqanê Merdiman a Efrînî komanê cergan ê dewleta tirke goristanê dewa Şêxorze talan kerd. Ame vatene ke cerganê tirkan kerrayê goran tira vetî, rotî yan zî baxçeyanê tay keyeyan de nayî ro ke nê keyeyî zî ameybî xespkerdene.

Adara 2018î ra nata Efrînê îşxalkerî de her çi yeno talankerdene. Çimeyê binê erdî û mulkê tarîxî yê şaristanî yenê talankerdene û bi hawayêkê sîstematîkî vera goristanan hêriş yeno kerdene. Tewr peyên Goristanê Avesta yo ke tede gorê şerwanan estbîyî amebi talankerdene û ajansê fermî yê Tirkîya AA no talan seke uac de gorê komkî estbîyê mojnabi. QSD û dezgehanê bînan ê Rojawanî na îdîa red kerdbi.