Dewleta tirke Cindirês de qirkerdiş kerd
Dewleta tirke ya îşxalkere qezaya Cindirêsî de çar kurdanê ke waşt Newroze pîroz bikerê, qetil kerdî. Bi seyan kesî verê neweşxaneyî de ameyî têhet.
Dewleta tirke ya îşxalkere û çeteyanê ci qezaya Cindirêsî ya Efrînî ke binê îşxale ci de yo, çar kurdî qetil kerdî ke waştêne adirê Newroze bifînê ta.
Nameyê kesanê ke dewleta tirke qetil kerdî, wina yê:Ferhan Osman (43), İsmail Osman (38), Mihemed Osman(42) û Mihemed İsmail Osman (18).
Hetê bînî ra bi seyan efrînijî verê nêweşxaneyî de ameyî têhet ke cenazayî tede yê.
