Dewleta tirke Çemê Firatî vera Rojawanê Kurdîstanî sey çekêke xebitnena. Seba ke rêjê awe yo ke ver bi herême herikîyeno kêmîya awbendê ceyranî nêeşkenê ceyran ber bîyarê.

Goreyê Peymana 1977î ya mabênê hukmatê Sûrîye û dewleta tirke ganî Çemê Firatî her hêlêke de 500 metrekup awe bêra Sûrîye labelê no rêj nika 150 metrekup o.

Awbendê Tişrînî awbendo tewr girdêr ê Sûrîye yo. Mudirê awbendî Mihemed Tarbûşî pare kerd ke eke dewleta tirke bi nê hawayî verê herikîyayîşê awa Çemî asteng bikera şarê herême do bikewo prosesêkê zehmetî. Tarbûşî ard ziwan ke ê ceyran enerjîya awe ra visnenê destî û vat: ''Seba ke rêjê awe Tirkîya ra kêm bi, awbend beno ke bikewo rewşêka bitehluke. Eke bi nê hawayî dewam bikero mabênê di aşman de beno ke proseso zehmet dest pêbikero.''

Rêxistina Human Rights Watch zî raporêk weşana û da zanayene ke Tirkîya verê awa Rojawanî asteng kena û no zî do bibo sebebê rewşêka bitehluke.