Îdareyê Xoserî yê Rojawanî û QSDyî badê erdlerzan giranîye daye xizmetê şarî. Îdareyê Xoserî na çarçewe de hetkarîya merdimî kerde hazir û berde beranê sînorî ke bişawê herêmanê erdlerzî la hukmatê Şamî û dewleta tirke verê hetkarî girewt.

QSDyî heme falîyetê xo yê leşkerî vindarnayî û semedê rewşa lezabeze ekîbê taybetî ardê ra. Eynî wextî de QSDyî vat ê eşkenê ekîbanê xelisnayîşî bişawê herêmanê hukmatê şamî û herêmanê ke binê îşxalê dewleta tirke de yê. Dewleta tirke û hukmatê Şamî destûr nêda.

Hêrişanê dewleta tirke rixmê felaketa erdlerzî dewam kerd. 18 rojan de di hêrişê hewayî û 18 hêrişê erdî de di sîvîlî  şehîd bîyî û xeylêk kesî birîndar bîyî. Hetê bînî ra dimayê erdlerzî kesêko extîyar ke Helebî ra ravîyartêne Şehba hêriş de ame qetilkerdene.

Goreyê xebera ANHA Berpirsîyarê Merezê Çapemenî Îrtîbatî yê QSDyî Fehat Şamî vat: ''Dewleta tirke qerarê ma yê vindarnayîşê falîyetanê leşkerî xirab şuxulna. Dewleta tirke çirey şerê vera şar û herêma ma nêvindarna. Sey tim ma reyna hêzanê mîyanneteweyî şermezar kenê ke vera nê hêrişan bêveng ê. Dewleta tirke bêvengîya înan ra paştî gena û zafêr hêriş kena.'2