Nê prosesî de ke pêro dinya vera vîrusê Korona têkoşîn kena, dewleta tirke ya îşxalkere hêrişanê xo yê vera Rojawanî dewam kena. Dewleta tirke bi taybetî dewanê Girê Sipî û Eyn Îsayî de hêrişê sivîlan kena. Hêrişan de zerar resa hêgayanê genimî yê dewijan.

Dewleta tirke 4ê gulane de bi obusan dewa Zennûbîya ya Girê Sipî ser o bombayî varnayî. Hêgayanê genimî û cayanê dewijan hêriş de zerar dî. Roniştoxê dewa Zennûbîya pare kerd ke rîyê tersê hêrişanê dewleta tirke ra ê tim hê keye de yê.

Mihemed Ehmedo ke hêgayê ey ê genimî hêriş de zerar dî vat: ''Dewleta tirke tim dewa ma dana bombayan ver. Dewe de zaf keyeyî estê, ma sivîl ê. Tim hêriş kenê û zerar danê hêganê ma, keyeyanê ma. Şima vînenê rewşa ma.''

Fatima Ehmed zî îfade kerd ke ê nêzanenê ke dewleta tirke înan ra çi wazena û vat: ''Menga Remezanî de hêrişê ma kenê. Nêverdenê ke ma keyeyê xo de pê rehetîye têbigêrê.''