Zîret çimeyê debarî yê Rojawanî yo û erazîyê zîretî yê Rojawanî hedefê hêrişanê dewleta tirke de yê. Dewleta tirke cerganê xo reyde erazîyanê zîretî ser o bombayan varnena.

Goreyê xebera ANHA heta nika warêkê zîretî yê 100 doniman ê genimî û baxçeyê zeytunêran ê 360 doniman ameyî vêşnayene.

Bîlançoya şewatî yê herêmanê Cizîr, Firat û Şehba wina ya:

-Til Temir de erazîyê 13 hezar doniman, dewanê Zirganî de erazîyê 17 hezar doniman.

-Herêma Firatî de 35 zeytunêrî û 21 hezar û 560 donim warê zîretî ameyî vêşnayene.

-Minbic û dewanê ci de erazîyê genimî yê 540 doniman û baxçeyê meyweyan û zeytunan ê 360 doniman ameyî vêşnayene.

-Şehba de erazîyê genim û cewî yê 600 doniman û 3 hezar û 500 zeytunêrî ameyî vêşnayene.

-Qezayanê Til Berak û Til Hemîsî yê Kantonê Qamişloyî de 4 hezar donim warê zîretî ame vêşnayene.

- Dewanê Hesekê de 27 hezar û 70 donim erazîyê zîretî ame vêşnayene.

- Dêra Zorê de 14 hezar û 100 donim erazîyê zîretî zerar dî.

Hemserekê Heyetê Ekonomî û Zîretî yê Rojawanî Selman Barûdoyî pare kerd ke nê şewatan de 3 sivîlî merdî û 2 kesî zî birîndar bîyî.

Dewleta tirke ya îşxalkere û cerganê ci serra 2019î de zî bi seyan donim warê zîretî vêşnaybî. Goreyê doneyanê Heyetê Ekonomî û Zîretî yê Îdareyê Xoserî par 435 hezar û 500 donim warê zîretî ame vêşnayene.