Dewleta tirke ya îşxalkere bado ke Til Rifet de di sîvîlî qetil kerdî hêrişê Kobanê, Minbic, Şehba, Dêrik û Til Temirî kerd.

Dewleta tirke ya îşxalkere merkezê Kobanê bi droneyanê çekdaran da bombayan ver. Netîceya hêrişî de hîrê endamê Hêzanê Asayîşê Zereyî birîndar bîyî.

Dewleta tirke dima ra bi çekanê giranan dewê El-Seyada, Ewn El-Dadat, El-Toxar û El-Diricî yê Minbicî bi obusan dayî bombayan ver.

Til Rifet de nê deqayan de bombardumano giran dewam keno. Eynî wextî de serê Kantonê Efrîn-Şehba ra teyarayê şerî û keşîfî gêrenê.

Dewleta tirke ya îşxalkere ke hêrişê îşxalî vila kena dewanêBirciqasê, Kilotê, Meyasê, Zirneîtî, Soxanekê, Qinêtrê, Aqîbê, Bênê yê Şêrawa, dewanê Tinib, Merenazê, Malikiyê, Elqamiyê, Şêwarqa yê qezaya Şera, dewanê Eyndeqnê, Miniq, Belûniyê, Şêx Îsa, Hirbil, Simuqa, Til Medîq, Til Cîcan, Nêyrebiyê, Radarê, Şealê, Xirbêt Şealê yê ke pabesteyê qezaya Til Rifat û Kantonê Şehba yê bi çekanê giranan dîyenê bombayan ver.

Hetê bînî ra dewa Mêrga Mîra ya Dêrikî raştê hêrişê droneyanê çekdaran ameye.

Dewa Um-Elkêfî ya qezaya Til Temirî zî bi obusan dîyena bombayan ver.